QAZAQSTANDA SAIAHATQA ATTANÝ ÚSHIN JAI ǴANA KÓLIKKE OTYRÝ JETKILIKTI
Qazaqstanda saıahatqa attaný úshin jaı ǵana kólikke otyrý jetkilikti. Bul úshin bizde barlyq jaǵdaılar: biregeı tabıǵatymyz ben qoljetimdi ınfraqurylymymyz bar. Jáne qansha bos ýaqyttaryńyzdyń bar ekendigine baılanysty birneshe saǵattan birneshe kúnge deıin saıahatta ótkizýge bolady. Saıahatshylar men týrızm salasyndaǵy mamandar kólikpen attanýǵa bolatyn Qazaqstandaǵy eń qyzyqty oryndardyń birimen bólisti. Nurjan Alǵashov, saıahatshy
BAIANAÝYL ULTTYQ PARKI
Ekibastuz qalasynan parkke deıingi araqashyqtyq – 100 kılometrge jýyq. Baıanaýyl – Qazaqstandaǵy eń ádemi jerlerdiń biri, onda taýda serýendep, quzǵa shyǵýǵa jáne sýda júzýge bolady. Kóbi taza jáne móldir sýly Jasybaı kólin jaqsy kóredi, onyń jaǵalaýynan ásem kórinis ashylady. Parktiń negizgi kórikti oryndary — «qasıetti úńgir», «tastan jasalǵan bas», «erkektik qadir-qasıet» tasy. Onda týrıstik bazalar men demalys úıleri de bar. Kempıń áýesqoılary lager quratyn, palataly qalashyqtar ornatatyn jerlerdi taba alady.
TÚRKISTAN
Arystanbab kesenesi men kóne Otyrar qalasynyń ornyna, Túrkistandaǵy Qoja Ahmet Iassaýi kesenesine, Kúltóbe-Iassy qalashyǵyna, Gaýhar ana kesenesine, Hylýet jerasty meshitine, shyǵys monshasyna, Juma meshitine baryp kórýge bolatyn Qazaqstandaǵy biregeı oryn. Qoja Ahmet Iassaýı kesenesine qajylyq jyl boıy toqtamaıdy, sondyqtan bul jerdi ekinshi Mekke dep ataıdy.
AQMESHIT ÚŃGIRI
Aqmeshit úńgiri — tereńdigi shamamen 150 metrdi quraıtyn, eni 65 metrge jýyq, bıiktigi 30 metrge jetip jyǵylatyn úlken zal. Úńgirdiń biregeıligi – onda shaǵyn ormannyń, 40-qa jýyq aǵashtyń ósetindiginde. Munda jyldyń kez kelgen mezgilinde temperatýra ózgermeıdi dese bolady. Onyń ústine, syrtqy álemge ashylatyn kórinis kıiz úıdiń shańyraǵyn eske túsiredi. Jol-jónekeı Báıdibek oıpatyn, Domalaq ana kesenesin, Báıdibek ata kesenesi men Qos ana kesenesin kórý múmkindigi bolady.
ASHYQ ASPAN ASTYNDAǴY MURAJAI
Murajaı Astanadan 160 kılometr jerdegi Ereımentaý jaqta ornalasqan. Onda bizdiń dáýirimizdiń IV-V ǵasyrlaryndaǵy tas músinder men qorymdar bar. Negizinen olar jaýyngerlerdiń nemese taıpa kósemderiniń qorymdarynda turǵan. Sondaı-aq olar qurban shalynatyn jer bolǵan. Tastan qalanǵan murtty qorǵan men «Balbal tas» dep atalatyn tas músinder de osynda ornalasqan. Olardyń kólemi ár túrli bolǵan jáne olarda ár túrli zattar, mysaly, semser nemese qurban shalýǵa arnalǵan tostaǵan qoıylǵan. Sonymen qatar, munda Uly Jibek jolynyń kerýen joldary ótken qonys bolǵan dep esepteledi.
SANDYQTAÝ
Sandyqtaý Zerendiden ary ornalasqan. Jergilikti ólketanýshylar negizinen kazak qonystary ornalasqan osy jerdiń tarıhy týraly áńgimelep beredi. Munda at basyn buryp, olardyń turmystaryn, dástúrli kıimderin kórýge, eskilikti ánderin tyńdaýǵa bolady. Jergilikti tabıǵat: úlken qaraǵaı ormandary, shoqylar, jartastar Býrabaıdy eske túsiredi, munda bulandardy, elikterdi, qabandardy, túlkilerdi kórýge bolady. Teńiz deńgeıinen 784 metr bıiktiktegi Sandyqtaý taýyna kóterilýge bolady. Taýdyń eteginde naǵyz tiri sýdan iship kórýge bolatyn bulaq bar.
SELETI SÝ QOIMASY JÁNE BESTÓBE SHATQALY
Seleti — jerasty kózderinen tolyqtyrylatyn Qazaqstandaǵy eń taza ózenderdiń biri. Seleti kentiniń janynda bógeti bar Seleti sý qoımasy ornalasqan, onda balyq aýlaýǵa bolady, sondaı-aq ásem de aıbyndy shatqaldarǵa tamasha kórinis ashylady. Olar Bestóbe kentine jaqyn mańdaǵy sý qoımasynan joǵary ornalasqan. Ózenniń bul bóliginde tik jaǵalaýlar bar, olardyń qysqy ýaqytta qaýipti bolatyndyǵyn este saqtaǵan jón.
ZERENDI KENTINIŃ JANYNDAǴY SARQYRAMA MEN KÓL
Astanadan 300-330 kılometr qashyqtyqta Táńir taıpalarynyń qabirleri men sarqyramany kórýge bolady. Sarqyramaǵa mamyr aıynda nemese maýsym aıynyń basynda barǵan durys, óıtkeni osy ýaqytta ol sýǵa toly bolady.
KATON-QARAǴAI ULTTYQ PARKI, MUZTAÝ BÓKTERI MARQAKÓL JÁNE IAZEVOE (QARAKÓL) KÓLDERI
Shyǵys Qazaqstan oblysynda mindetti túrde Katon-Qaraǵaı ulttyq parkine, Muztaý bókterine, Marqakól jáne Iazevoe (Qarakól) kólderine, Kókkól sarqyramasyna baryp kórińizder. Bul aýdanda Muztaýǵa tamasha kórinis ashylady. Bul jerdiń tabıǵaty biregeı ahýal qalyptastyrady jáne eshkimdi de beı-jaı qaldyrmaıdy. Sonymen birge, Batys Altaıǵa da baryp kórýge bolady. Munda Qara Oba ózeniniń tabıǵatyn, Qazaqstan úshin erekshe orman alqaptaryn, ózenderdi, baı janýarlar álemin tamashalaýǵa bolady. Bul aımaqta qar kesh erip, erte túsedi, sondyqtan munda tamyz aıynyń aıaǵynda kelgen durys.
JOŃǴAR ALATAÝY
Men Jońǵar Alataýyna, Tastaý jotasyna baryp kórýge keńes beremin. Munda jabaıy janýarlardy: maraldardy, taýeshkilerdi, aıýlardy olardyń tabıǵı mekendeý ortasynda kórýge bolady. Endi sizder Qazaqstandaǵy kólikpen saıahattaýǵa qoljetimdi jerler týraly bilesizder. Saparlaryńyz jaıly, joldaryńyz jeńil bolsyn!
